BLIND ITEM

Nang dahil nga sa Cybercrime Law, na awa ng Dios ay na TRO ng Supreme Court, ay tila mas nakakatakot ngayon, mag-sulat sa Internet, nang mga saloobin at mga patama, sa gusto mong patamaan, at maglahad ng opinyon. Ngunit hindi pa rin ako nito mapipigilan sa pagsusulat tungkol sa aking saloobin. Lamang ay hindi na kagaya noon at mas maingat na ang pagpo-post.

Idadaan ko na lang ang aking pag-oopinyon sa pamamagitan ng BLIND ITEM.

Ano ba itong ginagawa ng isang news and current affairs show ng isang istasyon? Napapansin ko na tila ang sentro ng komentaryo, at mga patama nila ay pumapatungkol sa mga kompanya isang business tycoon sa ating bansa.

Una nga nilang tinira ay ang kompanya ng kuryente, sumunod ay ang sa mining, sumunod naman ay sa tubig, at ang kahulihulihan ay ang kompanya ng communication ng nasabing business tycoon.

May mga punto naman ang kanilang mga patama, tungkol sa mga kamalian sa kompanya ng nasabing business tycoon. Ngunit masasabi ba nating kasalanan lahat ng bagong administrasyon ang mga kamaliang kanilang pinatatamaan?

Ito nga ay dahil bagong bago lamang ang administrasyon ng nasabing business tycoon sa mga kompanyang ito, taon pa lang ang binibilang, samantalang dekada nang nasa kamay ng pamilya noon, na humawak at mga may-aring talaga ng kompanya ng kuryente at tubig, bago pa man malipat sa nasabing business tycoon ang pamamahala sa mga kompanyang ito. Pag mamay-ari din nga ng pamilya, na dating may pamamahala sa kuryente at tubig, ang istasyon kung saan umeere naman ang commentary show, kung saan ng mga nakaraang mga episodes nito ay pinatatamaan ang kompanya ng nasabing business tycoon, na kung saan ang ibang kompanya ay dating nasa pamamahala ng pamilyang ito.

Ano ba sila galit o gumaganti? Tanong ko lang naman.

Kailangan pa ba ng clue? Di na siguro. Pero bibigyan ko kayo, Kilala silang pareho ni Kuya Wil, yung programa ay parang NOW NA!

Humula sa isip, huwag nang itype sa comment at baka matumbok.

ROBREDO FOR 2013

Nailibing na rin nga si DILG Secretary Jesse Robredo. Noong buhay pa nga siya noon, ay tila na naiisantabi lang siya nating mga Pilipino. Ngunit nang siya ay namatay, nalaman natin ang kaniyang mga dakilang gawa sa kaniyang bayan. Nakakapang-hinayang nga ang kaniyang maagang pagkawala.

Ang dagsa ng tao sa lamay, maging sa libing ay maikukumpara, sa libing at lamay ng mag-asawang Aquino, noong sila'y pumanaw, at inihatid sa kanilang huling hantungan. Totoong walang kapareho si Jesse Robredo, at hindi mapapantayan ang kaniyang mga nagawa sa bayan. Ngunit hanggang doon na lamang ba ang mga magiging pagkakapareho ng mga pangyayari?

Kung nakukuha niyo nga ang sinasabi ko, ay iyon nga ang ibig kong sabihin. Hindi ba't nagpahayag ang pangalawang anak ni Sec. Jesse na si Patricia, na ibig ni Jillian(ang pangatlo sa tatlong magkakapatid na Robredo), maging artista, gaya nang kung paanong si Kris Aquino ay naging artista, na may namatay ding ama noon gaya niya.

Kung si Jillian Robredo ay ibig maging gaya ni Kris, hindi ba't si Atty. Leni Robredo ay maaaring maging gaya naman ni Cory Aquino? Tignan niyo nga ang mga pangyayari. Namatay si Ninoy, at si Cory Aquino ay naging Pangulo, namatay si Tita Cory, at ang kaniyang unico hijo naman ang naging Pangulo. Tinawag nga itong "Cory Magic". Hindi kaya meron ding "Robredo Magic"?

At mayroon pang pagkakapareho sila Cory, Noynoy, at Atty. Leni, pareho nga nilang ayaw sa pasimula. Nagpahayag nga si Atty. Leni, na hindi sila papasok sa pulitika. Narinig ko naman sa balita, sa isang tao, hindi ko lang maalala kung sino, sabi niya, if their is a compelling reason maaari daw tumakbo si Atty. Leni.

Ganitong-ganito nga rin nang panahon ni Cory, sabi ni Cory kung magkakaroon ng isang million na signature na nagsasabing dapat siyang tumakbo, ay tatakbo siya. Nangyari nga at nagkaroon ng isang million na lagda. Ganoon din nga nang bago tumakbo si Noynoy, maraming nanawagan, hanggang si Mar Roxas nga ay umatras na sa pagtakbo bilang Pangulo, upang bigyang daan si Noynoy.

Ngayon nga ang tamang panahon upang magdeklara kung tatakbo o hindi. Hindi na nga mauulit pa ang ganitong pagkakataon. Ang tanong na nga lang kung saan? National o Local? Kung Local ay siguradong-sigurado ito, ngunit malaki din naman ang pag-asa sa National. Kung tatakbo siya sa National position, in which the highest sa susunod na eleksyon ay ang pagiging Senador, ay iboboto ko siya, pangako yan gaya ng ipinost ko sa Twitter.

https://twitter.com/KennFrankRave/status/238964822304231424

Wala ngang maaaring pumalit sa isang Robredo,kundi isa ring Robredo, Ito nga si Atty. Leni. ROBREDO FOR 2013!