GRADUATION DAY, AFTER THIS WHAT?

Ang litrato nga na inyong nakikita sa itaas ay mula sa graduation ng isang kaibigan. Ang paksa nga ng post na ito ay tungkol sa mga graduates

Graduate ka na nga, may trabaho ka ba pagkatapos nito? Oh magiging MASSCOM ang marami sa atin, na sa madaling salita ay mas com portable sa bahay? Iyan nga ho ang naghihintay na hinaharap sa marami sa mga ga-graduate ngayong taong ito.

Bakit nga nagkakaganoon ang marami sa atin, ako man ay matagal ding natambay matapos grumaduate sa aking kursong tinapos. Iisahin ko nga ang mga inaakala kong mga dahilan ng pagkatengga ng maraming graduates. Ito nga ang siyam:

1. Ine-enjoy ang bakasyon.

2. Mahiyain, takot sa interview rin.

3. Choosy at demanding kaya walang tumatanggap, hindi naman maganda ang credentials as student.

4. Walang backer.

5. Mali ang umpisa. Yung kursong kinuha hindi akma sa napapanahong mga trabaho. Na minsan ay kasalanan din ng mga eskwelahan at ng CHED.

6. Ang gustong kunin ay ang pinagtaposang kurso, na dahil mali nga ang umpisa, ay walang makuha.

7. Tamad din kasi.

8. Hindi kaagad naghanda bago pa man grumaduate. Meron kasi naghahanap na ng trabaho bago pa man grumaduate

9. Hindi din kasi pinag-igi, o nagpasikat nung OJT days niya, na isa sana sa maaaring kumuha sa kaniya

Hindi po siya according to rank. Iyon lang po ang pumasok sa aking isip.

LOLONG DEAD

The World's Largest Crocodile in captivity, Lolong, died on Sunday, February 10, 2013, 8:12 pm according to information on Yahoo.

Sinasabi rin nga sa information sa Yahoo, and I quote:

"The reason for the keepers' call to Collantes has not been given, nor has Lolong's cause of death been determined."

Bagaman hindi pa nga nalalaman ang dahilan ng pagkamatay ni Lolong, ako ay may hinala na kung bakit, at ang hinala ko nga ay makikita sa pictures na ito.

Simple lang ang dahilan sa hinala ko. Nilamig po si Lolong. Ang alam ko po sa reptiles ay sila ay cold-blooded animals, mas kailangan po nila ang init kaysa lamig. Sa laki ni Lolong ay tiyak ay mahirap mapainit ang kaniyang buong katawan ng kailangan niyang init. Una ko pa lang nakita yung pambabasa sa buwaya, ay nasabi ko na mali ito, may automatic pa pala na sprinkler. At tsaka yung init, yun din ata ay nakakatulong sa digestion ng mga buwaya. Kaya nga nabalita rin noon na si Lolong ay tumatanggi sa pagkain, ito nga ay ayon din sa GMA.

Hindi pa po ako nakakapunta sa isang crocodile park, pero nakapunta na ako ng Manila Zoo, wala po akong nakikitang pambabasa mga buwayang nandoon. Malakas talaga ang hinala ko na lamig ang kinamatay ni Lolong. Sayang at hindi ko po man din ito nakikita ng personal.