ANO BA TALAGA KUYA?

February 28 2012, nangyari nga ang tinatawag na Grand Evangelical Mission ng Iglesia ni Manalo, na nagdulotn ng matinding trapik malapit sa pinagdausan nito. Isa nga ako sa naipit sa trapik na idinulot nito sa lugar ng Davao City. Napakaraming bus, at ang bus ng Davao city ay naubos dahil lamang dito.

Nakakainis nga ang trapik na idinulot ng pagtitipong ito. Gutom na guutom na ako noon, ngunit tila hindi gumagalaw ang mga sasakyan.

Ngunit ang lubhang nakakainis sa lahat ay ang paggamit nila sa terminong "Bible Exposition". Ang irony pa nga nito ay dahil ang terminong "Bible Exposition" ay orihinal na nagmula sa kanilang kalaban na grupo ng relihiyon, ang Members, Church of God International, o mas kilala sa katawagang "Ang Dating Daan", kung saan host ang taong lubhang galit na galit ang Iglesia ni Manalo, si Bro Eli Soriano.

Mahaba nga ang kasaysayan ng awayan ng Iglesia ni Manalo, at ng grupong Ang Dating Daan, na humantong na nga sa pagpatay. Ngunit ang pagkitil ng buhay ay di magmumula sa panig ng Ang Dating Daan. Bagkus ay mga taga Dating Daan pa ang nabuwisan ng buhay. Isa nga sa pinaka popular na biktima ay si Bro. Marcos Mataro, na binaril sa ulo.

Para nga sa akin, walng kahit na katiting na karapatan ang Iglesia ni Manalo na gamitin ang terminong "Bible Exposition". From the word "exposition", may expose, na hindi naman nila ginagawa sa kanilang Grand Evangelical Mission. At saka sa Bible Exposition, may tanungan, tinatanong si Bro. Eli ng mga tao at kaniyang sinasagot ayon sa Biblia, na hindi naman ginagawa ng Iglesia ni Manalo.

Sa mga makakabasa at magsasabing bias ito, talagang bias ito

Nakakatuwa rin na gugugulin mo ang isa hanggang dalawang araw na paghahanda, para sa isang oras na pag-uusap. Inistorbo nyo ang mga tao, pinatrapik ang mga lungsod para sa pag-uusap na wala ka namang matututuhan.

Kung mangangaral kayo mga Iglesia ni Manalo, wala akong pakialam. Ang sa akin lang magkaron kayo ng kaunting sense of dignity and originality. Huwag nyong gamitin ang terminong Bible Exposition, dahil wala kayong karapatan, kahit katiting

Ito pang isang punto.Nakakapanibugho nga ang media company karamihan. Bakit ang Iglesia ni Manalo ay masyadong glorified sa news, na para bang sila lang ang gumagawa ng impact? Samantalang ang grupong Ang Dating Daan din naman ay gumagawa ng impact na hindi mapapantayan. At tila may news black-out pag may pangyayari na malaki at taga Dating Daan ang involved.

Di naman sa paghahanap ng pansin. Kagaya na lamang ng "Kahit Isang Araw Lang" na inililigaw pa nag tao nga mga malalaking media outlets gaya ng DZMM at Bombo Radyo sa kanilang mga websites. Na sinasabing ang AFP at PNP daw ang pasimuno ng Unity Run, samatalang ang katotohanan ay nakisali lamang sila dito.

Itinama namann nila ang kanilang write-up, ngunit wala pa ring banggit kay Bro. Eli Soriano at sa Ang Dating Daan. Naniniwala ako na hindi TANGA, BOBO, at ISTUPIDO ang mga tao ng malalaking media outlets. Alam nila kung sino ang pasimuno ng Kahit Isang Araw Lang Advocacy, ito nga ay si Bro. Daniel Razon Vice Presiding Minister ng Members, Church of God International. At ang kaniyang advocacy ay sinusuportahan lahat ni Bro. Eli Soriano. I believe they all know because they are not stupid. Nakakainis nga! At iyan ang kanilang sinasbing patas na pamamahayag.

Sabi nga sa biblia, PURI, SA DAPAT PAPURIHAN.

2 YEARS AND STILL, NOTHING

"Kumukupas na po ang ang itim na damit ko, dalawang taon na namin po itong ipinaglalaban"-pahayag ni Kapatid na Juliet Evardo, ina ng Kapatid na Jolito Evardo ng UNTV, isa sa nasawi sa Maguindanao Massacre.

Noong Nobyembre 23, 2009, ay 57 na kagawad ng media, pati ng mga kasama ng asawa ni Governor Ismael "Toto" Mangudadatu, ay walang awang pinagpapatay sa Shariff Aguak Maguindanao.

Ngayon nga ay dalawang taon na ang pangyayaring ito, ngunit wala pa ring nangyayaring pag-usad. Hindi ko rin maintidihan kung ibig ba talaga ng Korte Suprema na maitelevised ang paglilitis ng mga akusado. Pinayagan nga nila, ngunit katakot-takot na restriction ang nakapaloob. Umalma tuloy ang mga istasyon, na sana'y magsasahimpapawid ng paglilitis. Hanggang sa ito'y nabaon na rin sa limot.

Kahit nga nakakulong nga ang mga Ampatuan, ngunit ang kanilang kapangyarihan ay hindi maikukulong. Nito lamang nakaraang Agosto, ay kamuntikan nang madale si Maguindanao Governor Toto Mangudadatu, pinalad lamang siya at hindi siya mapahamak, ngunit hindi pinalad ang kaniyang Board Member Russman Sinsuat. Wala naman ibang maaaring magtangka ng ganoon kay Mangudadatu, kundi ang mga nasa likod din ng Maguindanao Massacre, na pinaniniwalaang ang mga Ampatuan.

Nobyembre 22, 2011, ay sinampahan ng kasong sibil ang dating Pangulong Gloria Macapagal Arroyo, ng mga kaanak ng mga nasawi sa Maguindanao Massacre. Ito ay sa pagpapahintulot niya na magkaroon ng private army ng mga Ampatuan, na siyang ginamit nila sa nangyaring massacre, pati na rin sa pagbaliwala niya sa human rights abuses ng mga Ampatuan, at bilang Commander-in-Chief, sa pagbaliwala ng AFP, sa paghingi ng security escort ni Toto Mangudadatu, para sa convoy. Sabi nga ng isang abogado, hindi lang ito basta massacre, kundi genocide.

Dahil nga sa Maguindanao Massacre, ang Pilipinas ay nasama sa mga lugar na delikado para sa mga mamamahayag, kasama nga natin ang mga lugar na may kaguluhan at digmaang kasalukuyan.

Nito ring kamakailan ay nagkaroon ng engkwentro sa Basilan, kung saan na-ambush ang mga sundalo ng mahigit 200 na pinaniniwalaang mga MILF(Moro Islamic Liberation Front). Dahil nga sa pangyayari ay maraming nanawagan ng ALL-OUT WAR, ngunit ang tugon ni Pangulong Noynoy Aquino ay ALL-OUT JUSTICE.

Napakadali ngang sabihin niyang ALL-OUT JUSTICE, ngunit ang iyan ang paninindigan ng Pangulo, wala nga tayong magagawa. Sana nga lang ay maging totoo. Kung papaanong ang ALL-OUT WAR ay indiscriminatory, sabi nila, gayun din dapat ang ALL-OUT JUSTICE. Hindi lang nakafocus sa isang pangyayari, dapat ay madamay din naman sa sinasabing ALL-OUT JUSTICE, lalong lalo na ang mga biktima ng Maguindanao Massacre. Huwag naman sanang paabutin pa ng susunod na taon ang kasong bito bago maresolba, at mahatulan ang mga nagkasala.

Ito nga ay pangyayaring pwede namang hindi naganap. Kung naging matapang lamang si Mangudadatu, na mag file ng sarili ng COC, may army din naman siyang sarili. Di sana'y sila na lang ng mga Ampatuan ang nagsagupaan, at walang ibang nadamay na wala namang kinalaman. Ginawa niya kasing, para sa akin, ay defense shield ang kaniyang asawa at ang media.

At ang mga Ampatuan, kaya naman nila maniubrahin ang halalan, ng walang patayan, gaya ng dati nilang nagagawa, gaya ng nangyari kay FPJ, na naging 0 sa kanilang mga nasasakupan. Ang massacre na ito ay naganap, because of the powers that shouldn't be.

Dahil din sa pangyayaring ito, ay may mga pamilya na nawalan ng asawa, anak, kapatid, kamag-anak at kaibigan, dahil lamang sa mga taong ganid sa kapangyarihan.

At para sa mga mamamahayag, para sa akin nga, hindi karapatdapat nga ang pamagatang "AMPATUAN MASSACRE" ang naganap dalawang taon ang nakalilipas, mas karapatdapat nga ang pamagat na "MAGUINDANAO MASSACRE". Ito nga ay dahil hindi naman ang mga Ampatuan, ang pinagpapatay, bagkus sila pa nga ang pinaniniwalaang pumatay sa mahigit 57 ka tao sa Maguindanao.

Ang aking ultimatum sa mga humahawak ng kaso para maresolba ay hanggang 2012 lamang. Pangulong Noynoy, panindigan mo ang sinasabi mong ALL-OUT JUSTICE, mas karapatdapat ngang magtamo ng hustisya ang mga nasawi sa Maguindanao Massacre kaysa sa sundalo na nasawi sa Basilan. Ang mga sundalo nga ay may baril, kaya nilang lumaban, at bahagi ng kanilang sinumpaang tungkulin ang mamatay sa pagtatanggol sa bayan. Ang mga nasawi sa Maguindanao Massacre, kamera, telepono, ballpen lang ang hawak na armas, wala silang kalaban-laban sa private army ng mga Ampatuan. Hindi ko sinasabi na isantabi na lang ang nangyari sa Basilan, ang sa aki lang ay unahin muna bigyang hustisya ang mga biktima ng Maguindanao Massacre, dahil ito rin naman ay nauna sa pangyayari kaysa sa Basilan

Muli ay isisgaw ko, KATARUNGAN PARA SA MGA BIKTIMA NG MAGUINDANAO MASSACRE. Huwag na sanang magkaroon ng ikatlong taon bago matamo ng mga naiwan, ang hustisya na nararapat lamang sa kanila.

2 TAON NA, HANGGANG KAILAN PA?