4 MORE YEARS

Humantong na rin sa katapusan ang tunggalian sa pagitan ni President Barack Obama at Governor Mitt Romney, sa halalan ng pagka-pangulo ng Estados Unidos. Sa bilang na 303 vs 206 na electoral votes, ay tinalo ng incumbent President ang Governor ng Massachusetts.

Ang paniwala ko nga, bagaman akoy tagasuporta nya, ngunit hindi naman makakaboto ay hindi nga makakabalik ang mama sa White House, Dahil sa kaniya sinisisi ang pagbagsak ng ekonomiya ng Amerika, at ang pagbabago na ipinangako apat na taon ang nakakaraan ay tila hindi natupad.

Ang tila mga nagligtas nga Pangulo mula sa kumunoy, ay ang dalawang personahe na nasa litrato, si former President Bill Clinton, at si Big Bird ng Sesame Street. Ito nga ay dahil sa paniwala ko ay yung speech ni Bill Clinton, na umatake sa mga plataporma ng kalaban. Yung "arithmetic thing" na sinasabi niya rin. Ang speech ngang ito ang siyang naging gabay ng mga sumunod na pagsasalita ni Obama sa kampanya at sa debate, na kung saan nabanggit naman ang pangalan ni Big Bird, na tatanggalin ni Mitt Romney kung sakaling manalo siya, na hindi nga nangyari.

Isa rin marahil sa dahilan sa ikinatalo ni Romney, ay ang mama mula sa Russia, si Vladimir Putin, na masyadong agressive sya laban kay Putin, na ewan ko hindi ko naman ang isyu,sa akin ay nanahimik naman yung mama, na sa aking paniwala kung si Romney ang manalo ay mabuhay uli ang Cold War. Isa pa rin ay ang anti immigrant stance ni Romney na lahat ay pauuwiin diumano.

Ang ganda ng sistema ng eleksyon sa Amerika, komplikadong maganda na sana ay ganito rin sa Pinas. At sana bago matapos ang termino ni Obama ay makabisita naman siya sa Pinas.

BLIND ITEM

Nang dahil nga sa Cybercrime Law, na awa ng Dios ay na TRO ng Supreme Court, ay tila mas nakakatakot ngayon, mag-sulat sa Internet, nang mga saloobin at mga patama, sa gusto mong patamaan, at maglahad ng opinyon. Ngunit hindi pa rin ako nito mapipigilan sa pagsusulat tungkol sa aking saloobin. Lamang ay hindi na kagaya noon at mas maingat na ang pagpo-post.

Idadaan ko na lang ang aking pag-oopinyon sa pamamagitan ng BLIND ITEM.

Ano ba itong ginagawa ng isang news and current affairs show ng isang istasyon? Napapansin ko na tila ang sentro ng komentaryo, at mga patama nila ay pumapatungkol sa mga kompanya isang business tycoon sa ating bansa.

Una nga nilang tinira ay ang kompanya ng kuryente, sumunod ay ang sa mining, sumunod naman ay sa tubig, at ang kahulihulihan ay ang kompanya ng communication ng nasabing business tycoon.

May mga punto naman ang kanilang mga patama, tungkol sa mga kamalian sa kompanya ng nasabing business tycoon. Ngunit masasabi ba nating kasalanan lahat ng bagong administrasyon ang mga kamaliang kanilang pinatatamaan?

Ito nga ay dahil bagong bago lamang ang administrasyon ng nasabing business tycoon sa mga kompanyang ito, taon pa lang ang binibilang, samantalang dekada nang nasa kamay ng pamilya noon, na humawak at mga may-aring talaga ng kompanya ng kuryente at tubig, bago pa man malipat sa nasabing business tycoon ang pamamahala sa mga kompanyang ito. Pag mamay-ari din nga ng pamilya, na dating may pamamahala sa kuryente at tubig, ang istasyon kung saan umeere naman ang commentary show, kung saan ng mga nakaraang mga episodes nito ay pinatatamaan ang kompanya ng nasabing business tycoon, na kung saan ang ibang kompanya ay dating nasa pamamahala ng pamilyang ito.

Ano ba sila galit o gumaganti? Tanong ko lang naman.

Kailangan pa ba ng clue? Di na siguro. Pero bibigyan ko kayo, Kilala silang pareho ni Kuya Wil, yung programa ay parang NOW NA!

Humula sa isip, huwag nang itype sa comment at baka matumbok.