ANG PAGPAPAPUTOK SA BAGONG TAON

Kung papaanong may kakaibang pag-celebrate ng Pasko ang mga Pilipino, ganoon din nga sa bagong taon, naiiba ang karamihang Pinoy. Bagaman ang tradisyon ay galing sa China, ang pagpapaputok, at ginagawa rin sa iba't-ibang bahagi ng mundo, ay kakaiba pa rin ang sa Pilipnas sa aking pananaw.

Ngunit bakit nga ba nagpapaputok tuwing bagong taon? Ito daw ay para magtaboy ng malas at masamang espiritu. Ngunit kung Bibliya ang pag-uusapan totoo ba ito? Dalawang talata lang ang katapat to belie this belief. Santiago 3:16,15

SANTIAGO 3:16,15 

Sapagka’t kung saan mayroong paninibugho at pagkakampikampi, ay doon mayroong kaguluhan at lahat ng gawang masama. 

Hindi ito ang karunungang bumababa mula sa itaas, kundi ang nauukol sa lupa, sa laman, sa diablo.

Ayon nga sa itinuro sa amin ni Bro. Eli na ang paniniwala ko ay nagtuturo ng ayon sa Biblia, ay sa bawat may kaguluhan, nandoon ang diablo, nauukol sa diablo. kaya mali na kaagad na nagtataboy ng bad spirit ang pagpapapuputok. Dahil ang baddest of all spirit, ang diablo eh nandoon. At hindi maitatanggi na magulo sa Pilipinas pag bagong taon.

Kung sa pagtataboy ng bad spirit eh mali, lalo naman sa pagtataboy ng malas. Pinatutunayan yan ng mga pangyayari sa mismo sa araw na iyon. Ito nga ang mga malas na nangyayari na ang dahil ay ang pagpapaputok.

ANG MAPUTUKAN. Hindi bat't maliwanag na malas yan pag nangyari yan sa iyo. At hindi lang iyan, yung iba bata nakakalunok ng paputok. Na minsan humahantong pa sa kamatayan yung iba.

ANG MAGING HOSPITAL STAFF SA ARAW NA IYON. Una dadami ang trabaho nila. Ikalawa, imbis kasama nila ang pamilya, nasa ospital, at ikatlo sila ang makakakita firsthand ng mga sabog na kamay. Kahit pa sabihing tungkulin naman nila iyon. Kung sana ay nag-iingat yung ibang tao, eh pwedeng wala naman sila doon at kasama ang kanilang pamilya, kung hindi man ay mas magaan sana ang kanilang trabaho.

KUNG MAY SAKIT KA SA BAGA. If there is smoke, there is fire, the after effects of fire is smoke. At sa bagong taon ay mga firecracker na nag-eemit ng smoke, na nagsisimula wala pang alas dose hanggang sa pagkalipas pa hanggang magbukang liwayway. Just like in the picture it is an aftermath of a New Year celebration in the Philippines. And smoke, thick smoke is a nightmare of people who has lung ailments.

ANG MAGING TAGA LINIS NG MGA KALAT. At pagkatapos nga ng lahat ay kakatakot na kalat ang lilinisin ng sinomang maglilinis, mapa-street-sweeper man o ordinaryong tao lang ang maglilinis nito, na may tsansa pang maputukan din.

Ang obserbasyon ko nga ay ang Pilipinas lang ang tila warzone ang atmosphere tuwing New Year. Nag-cecelebrate din naman ng New Year ang ibang bansa pero wala kang mababalitaan na gaya ng sa atin kagulo. Maging sa China na pinanggalingan nito ay hindi naman ganito kagulo ng gaya sa atin.

At ang injuries na tinatamo tuwing bagong taon, nangyayari lang sa ibang bansa sa mga sundalo na nasa giyera, na hinagisan ng granada, binomba ang kampo kinanyon. At kada taon pa mas lumalaki ang paputok. The bigger the size, the bigger its damage. May bagong labas pa na ang pangalan ay Crying Bading at Ampatuan.

Sana nga ay mabago na ang ganitong uri ng tradisyon ng pagpapaputok, na wala namang naiidulot na mabuti, gastos lang, at mas lalaki pa ang gastos pag naputukan ka. Para ka lang nagsunog ng pera. Pwede naman walang paputok. Tignan nyo ang Davao City. Na pinupuri ng national government natin dahil sa mababang injury rate tuwing bagong taon. Hindi naman totally eradicated, pero bawal na bawal dito ang paputok. Magagalit si Digong.

After all the tradition came from China, a country which most of us hate because of their incredible territorial claims.