ANG CAMERA AT INTERNET

Akala nga natin ito ay pang picture-picture lang, oh di kaya'y pang video-video lang ngunit may nakatago pala itong kapangyarhan, sa tulong nga ng internet thru social networking sites ay mabilis ang paglaganap ng mga impormasyon. Dahil nga sa camera ay maari kang sumikat, o di kaya'y masira ang buhay.

At ngayon pa na ang camera ay hindi lamang limitado sa pinipindot at nagpa flash, nasa mga cellphone na rin ito, na mas madaling dalhin, at may mga kamera na pinaliit for it be handy for the users.

Marami na ngang sumikat dahil sa camera, kinunan ang sarili, habang nagperform at inupload sa internet, boom nakita, nadiscover sila.

Ngunit doon tayo sa isyung napapanahon at tila sunod-sunod na may kinalaman ang camera at internet, una:

Ang kinalaman ng kamera sa isyung TULFO-SANTIAGO incident, una nga nito ay si Mon Tulfo ang napasama, ngunit dahil sa isang video na na-iupload sa internet, ay na vindicate ang mama, at napasama sila Raymart at Claudine. Ikalawa:

Ang pagkahuli sa akto ng isang istasyon sa isang mama na mainit ang ulo, na bandang huli ay sumapok sa mukha ng pobreng MMDA official. Na kumalat din sa internet. At nagbunsod ng malawakang pagkondena sa mamang si Robert Blair Carabuena, at simpatya naman kay MMDA officer Saturnino Fabros.

At ang pinakahuli nga ay ang pagkapost sa FB ng video tungkol sa sagutan ng isang estudyante at isang lady guard sa LRT station. Trending nga ito sa twitter habang sinusulat ko ito. Kahit anong isip ang gawin ko ay hindi ko nga magawang magbigay simpatya sa estudyanteng nagngangalang Paula Jamie Salvosa. Ipinagyabang pa kasi na may pinag-aralang tao siya, sa loob-loob ko eh hindi ka pa nga tapos may pinag-aralan ka na? Yan tuloy kick-out siya sa kaniyang eskwelahang La Consolacion University. At hindi gawa ng isang may pinag-aralan na mambastos, lalo pat naka-uniporme, uniporme pa lang ng guard means authority na. Tapos sasabihin mo may pinag-aralan ka! Ang mga tweet mo ay mali-maling ingles gaya nito

Imbes their, they, yan ang may pinag-aralan pero walang pinagkatandaan. #AMALAYER. Ang makabagong teknolohiya nga naman nagtuturo sa atin. Gaya ng camera, tinuturuan tayong mag-grab ng opportunity, at mag-ingat sa bawat gawang ating ginagawa, at baka hindi natin alam kinukunan na tayo. The end.

BLIND ITEM

Nang dahil nga sa Cybercrime Law, na awa ng Dios ay na TRO ng Supreme Court, ay tila mas nakakatakot ngayon, mag-sulat sa Internet, nang mga saloobin at mga patama, sa gusto mong patamaan, at maglahad ng opinyon. Ngunit hindi pa rin ako nito mapipigilan sa pagsusulat tungkol sa aking saloobin. Lamang ay hindi na kagaya noon at mas maingat na ang pagpo-post.

Idadaan ko na lang ang aking pag-oopinyon sa pamamagitan ng BLIND ITEM.

Ano ba itong ginagawa ng isang news and current affairs show ng isang istasyon? Napapansin ko na tila ang sentro ng komentaryo, at mga patama nila ay pumapatungkol sa mga kompanya isang business tycoon sa ating bansa.

Una nga nilang tinira ay ang kompanya ng kuryente, sumunod ay ang sa mining, sumunod naman ay sa tubig, at ang kahulihulihan ay ang kompanya ng communication ng nasabing business tycoon.

May mga punto naman ang kanilang mga patama, tungkol sa mga kamalian sa kompanya ng nasabing business tycoon. Ngunit masasabi ba nating kasalanan lahat ng bagong administrasyon ang mga kamaliang kanilang pinatatamaan?

Ito nga ay dahil bagong bago lamang ang administrasyon ng nasabing business tycoon sa mga kompanyang ito, taon pa lang ang binibilang, samantalang dekada nang nasa kamay ng pamilya noon, na humawak at mga may-aring talaga ng kompanya ng kuryente at tubig, bago pa man malipat sa nasabing business tycoon ang pamamahala sa mga kompanyang ito. Pag mamay-ari din nga ng pamilya, na dating may pamamahala sa kuryente at tubig, ang istasyon kung saan umeere naman ang commentary show, kung saan ng mga nakaraang mga episodes nito ay pinatatamaan ang kompanya ng nasabing business tycoon, na kung saan ang ibang kompanya ay dating nasa pamamahala ng pamilyang ito.

Ano ba sila galit o gumaganti? Tanong ko lang naman.

Kailangan pa ba ng clue? Di na siguro. Pero bibigyan ko kayo, Kilala silang pareho ni Kuya Wil, yung programa ay parang NOW NA!

Humula sa isip, huwag nang itype sa comment at baka matumbok.