MULTI TOPICS 3

May dalawang paksa nga akong bibigyan ng opinyon ngayong araw na ito at ito nga ang una.

I. EXPOSE

Makikita nga sa dalawang larawan na ito ay magkakontra, ang sinasabi ng isa ay pumasok ang boto habang ang isa naman ay nagsasabing hindi pumasok ang boto para sa nasabing housemate ng bahay ni Kuya.

Ano kaya nag sabihin nito? totoo kaya ang mga sabi-sabi na may dayaan sa reality show na iyan? Na pinanalo lamang ang gusto nilang panalunin kahit hindi ito ang gusto ng nakakarami? Tanong lang naman.

Bakit ganoon ang nakakapagtaka kasi, dalawang beses ako nag text,yung isa bumalik sa outbox ibig sabihin hindi pumasok, nag text uli ako at pumasok na at nag text back nga ang 231 nang 11:22pm na sinabing counted ang boto. Nang 11:26pm nag text back uli na sinasbing hindi counted ang boto. Ano ba talaga ang totoo?

Sa araw ng bukas, habang isinusulat ko ito, ay magaganap ang eviction night sa bahay. Buhay at kinabukasan ng tao nag nakataya. Ang Tanong? Totoo ba na may dayaan?

II.WRONG MOVE ISKO

Nagkahiwalay nga ng landas sila Mayor Alfredo Lim at Vice Mayor Isko Moreno. Ito nga ay dahil sa pagpasok ni Erap sa pulitika ng Maynila. Ang Tanong uli? Tama ba ang ginawa ni Moreno?

Kung titignan mo nga ang kasaysayan, nanalo si Moreno noong 2007 bilang vice mayor ni Lim, ganoon nga ulit noong 2010. Ngayon ay lumipat nang bakod si Moreno kay Erap still as vice mayor running mate.Ngayon paano ito naging Wrong Move.

Pangatlong Termino at huli na ni Moreno, kung papalarin siya sa 2013 elections. Mapa si Erap o si Lim ang manalo, parehong di pabor kay Moreno. Kung si Lim ay gagantihan siya sa sigurado dahil sa mga ginagawa niya ngayon. Kung si Erap naman ay, mapipigilan nito ang sana'y dapat pag-akyat sa pagka-alkade ni Moreno.Kung kakalabanin naman niya sa Erap 50/50 ang tsansa niya, at baka siya pa maging unpopular candidate sa dalawa, kung buhay pa si Erap sa 2016.

FIN

Fin, ito nga ang kadalasang nakikita sa tuwing magtatapos ang isang Mexican telenovela. At nung May 29, 2012 ay tuluyan ng nagtapos ang Impeachment Trial laban sa dating Chief Justice, Renato Corona. Ang pagtatapos nito tragic para sa bida ng telenovela na si Renato Corona, dahil sa nahatulan siyang Guilty ng dalawampung senador, mahigit sa 16 na kinakailangan upang siya ay ma-convict.

And for the record, ito nga ang senador na humatol ng Guilty at Not Guilty sa napatalsik na Chief Justice.

GUILTY:

ANGARA, EDGARDO

CAYETANO, ALAN PETER

CAYETANO, PIA

DRILON, FRANKLIN

ESCUDERO, FRANCIS

ESTRADA, JINGGOY

GUINGONA, TEOFISTO JR.

HONASAN, GREGORIO

LACSON, PANFILO

LAPID, LITO

LEGARDA, LOREN

OSMENA III, SERGIO

PANGILINAN, FRANCIS

PIMENTEL III, AQUILINO

RECTO, RALPH

REVILLA, RAMON

SOTTO III, VICENTE

TRILLIANES IV, ANTONIO

VILLAR, MANUEL

ENRILE, JUAN PONCE

NOT GUILTY:

ARROYO, JOKER

DEFENSOR-SANTIAGO, MIRIAM

MARCOS JR., FERDINAND

Isa nga sa di malilimutan ay ang PITSA PIE ni Lito Lapid, na ang tinutukoy niya nga ay ang pie graph sa powerpoint presentation ni Rep.Farinas. Naaawa nga ako kay Serafin Cuevas, He use all his might and knowledge to win the case of his client, halos sinira nga ng depensa ang krediblidad ng mga witness ng prosecution. Ngunit sinira lamang ng kanilang kliyente mismo ang lahat ng kanilang mga pinaghirapan.

Ngayon nga at tapos na ang trial, ay sana tapos na rin ang lahat, ika nga ng mga senador move-on na tayo.Ang hatol nga na ito ay walang kaugnayan sa sikmurang gutom, sa katawang may sakit, sa bulsang walang laman. Pero salamat pa rin sa 20 senador na humatol ng guilty. At huwag naman gipitin ang mga hindi pumabor, gaya ni Sen Miriam Santiago.