THE GUN QUESTION

United States and the Philippines, malayong-malayo ang diperensya sa isa't-isa. Ang Amerika ay isa sa pinakama-uunlad na bansa, habang ang Pilipinas ay isa naman sa papa-unlad na bansa. Maging sa isyu ng demokrasya, malayong-malayo pa ang Pilipinas, sa Amerika.

Ngunit nagkakalapit nga ang dalawang bansa na isang karagatan ang layo sa isa't-isa sa isang isyu. Ito nga ang isyu ng  gun ownership and control, dahil sa mga sunod-sunod na pangyayari na may kinalaman sa baril.

Nitong July 20, 2012 lamang, ay isang James Holmes ang namaril sa isang sinehan sa Colorado, kung saan palabas noon ang pelikulang "The Dark Knight Rises". 12 ang patay, at 58 ang sugatan, o injured. Nahuli nga siya at kasalukuyang nakakulong na.

Nitong December 14, 2012 naman, ay naganap ang isang massacre sa Newtown, Connecticut. Walang awang pinatay ang 20 estudyante at anim na mga matatanda na kinabibilangan ng mga guro at magulang sa Sandy Hook Elementary School. Si Adam Lanza, ang nagsagawa ng pagpatay, ay natagpuang patay katabi ng kaniyang baril, na pawang matataas ang kalibre.

Nito namang New Year, sa Pilipinas, ay tinamaan ng ligaw na bala si Stephanie Nicole Ella, isang inosenteng bata. Di nga nagtagal ay pumanaw ito. Ang salarin ay hindi pa nahuhuli.

At nitong January 4, 2013, isang massacre ang nangyari sa brgy Tabon 1, Kawit Cavite. Pito ang patay, kabilang ang dalawang bata at isang buntis. Napatay naman si Ronald Bae, ang nagsagawa ng pagpatay, ng mga awtoridad. Si John Paul Lopez, ang sinasabing nagre-reload sa killer ay sumuko, at sinampahan ng patong-patong na kaso.

Bagaman may parehong isyu, ay magkaiba ang approach ng dalawang lider ng dalawang bansang ito. Malakas nga ang public opinion sa America na magkaroon ng total gun ban, maliban sa mga uniformed personnels gaya ng pulis at militar, at tila si Obama ay ganoon din ang pananaw. Malakas din naman ang panawagan sa Pilipinas, ngunit dahil ang Pangulong Aquino ay isang gun enthusiast, ay tutol siya dito. Nabulalas niya nga ito matapos ang isang insidente ng shoot-out diumano sa Atimonan, Quezon, kung saan siya ay nagpahayag sa duda na shoot-out ito, at tanungin tungkol sa posibilidad ng total gun ban.

Kung ako naman ang tatanungin. Hindi maaaring mawala ang baril. Pero sa isyu ng kung sino lamang ang hahawak, ay mahirap sagutin. Madali pa ngang sagutin kung alin ang tunay na relihiyon sa mundong ibabaw, kesa sa naunang tanong.

Bakit ko nasabi? Natutuwa din kasi ako sa idea na walang baril kundi sa mga awtoridad lamang. Ngunit sa klase ng awtoridad sa Pilipinas, eh mapapaisip ka. At saka paano kung isang gaya nila James Holmes ang maupo, at maging tyrant. At magpatay ng tao. Then being gunless society will be non-sense, because extreme tyranny, will always lead to revolution, maiging-maigi kung peaceful. At pagkatapos ng revolution, laging magulo, matagal pang dumadating ang kaayusan.

Hindi naman imposible ang sinabi ko. Ang Libya, nagkaroon ng Gaddafi, ang Syria, ay may Assad, ang Russia may Joseph Stalin, pawang mga lider na loko-loko at lumaban sa kanilang tao.

Magulo nga ang topic na ito, ako man naguluhan din.